Naš jezik

Di Redžuna Molise jesu 5 mista do jezika manje kroata: Kruč, Mundimitar aš Filič.ka jesu 3 grada di sa još govora naš jezik. U nazanja vrima jesu pur Palata aš Tavala, Naš jezik ga zovu s čudami imanima ma mi ga zovama na našu o na našo aš je čuda influendzan do taljan. Da lu XIX sekuj fina danas su sa pisal čuda stvari na našu ma je osta jena jezik ka sa kvaž sama govora. Čuda stvari su sa pisal do našoga jezika.

Teg veča velki aš komblet je libar ka je pisa lu 1911 Milan Rešetar di je reka ka naš jezikv (kana naše čelade) su bi mogla dokj do jene džone okla Biolovo aš Neretve, ‘z one bane mora. aje ka tama lu XV aš XVI sekuj sa govoraša jena jezik kana naš. Naš jezik je sa čuva pet sekuja sama govoran, jesa kumendža pisat sama krajem XIX sekuja. Danas imama okla 3000 riči ka sa dopraju za govorat do nimamaldža, do kjandi, do život, do tega ka sa činu doma aš van.